Një makinë është shkrumbuar mëngjesin e sotëm teksa ka qenë në ecje në aksin rrugor Levan-Vlorë.
Sipas policisë, sot rreth orës 09:15 ka marrë flakë në ecje e sipër automjeti tip “Benz” me drejtues shtetasin S. Gj.
Paraprakisht dyshohet se zjarri ka rënë si pasojë e një defekti në mjet. Fatmirësisht nuk ka dëme në njerëz.
Grupi hetimor po punon për përcaktimin e shkaqeve të rënies së zjarrit.
