Një automjet është përfshirë nga flakët në qytetin e Vlorës në orët e para të së dielës.
Ngjarja ndodhi në lagjen “1 Maji”, ku në oborrin e një banese, ka rënë zjarr dhe është djegur një mjet tip “Furgon”, ndërkohë që si pasojë e flakëve është dëmtuar pjesërisht dhe një automjet që ndodhej pranë tij.
Ende nuk ka asnjë të dhënë për shkaqet e zjarrit, edhe pse grupi hetimor mbërriti menjëherë në vendngjarje.