Shkon në 3 numri i viktimave nga djegia e autobusit

Shkon në tre numri i viktimave nga djegia e autobusit me besimtarë ortodokse në Krujë. Dy të moshuara nuk kanë mundur t’i mbijetojnë plagëve të marra nga flaket, duke ndërruar jetë në spitalin e Athinës, ku ishin dërguar për mjekim më të specializuar. Lajmi u konfirmua edhe nga Kisha Ortodokse e Vlorës. Viktimat janë Sose Labja dhe Viktoria Moçka, të cilat morën plage te mëdha gjatë incidentit të ndodhur më 27 maj. Po atë ditë ndërroi jetë mes flakëve 65- vjeçarja Violeta Gjika.