Më shumë se 120 persona kanë humbur jetën në luftimet përreth kryeqytetit libian, Tripoli. Organizata Botërore e Shëndetësisë ka bërë të ditur se më shumë se 561 persona, mes tyre edhe civilë, janë plagosur nga 4 prilli, koha kur shpërtheu konflikti i armatosur.

 

Bashkimi Europian njoftoi se ka tërhequr punonjësit e misionit ndërkombëtar të sigurimit të kufijve nga Libia.

 

E ngarkuara e BE-së për Politikën e Jashtme, Federica Mogherini u bëri thirrje trupave në lindje të Libisë të gjeneralit Khalifa Haftari të ndërpresin operacionet ushtarake dhe të kthehen në tryezën e bisedimeve nën drejtimin e OKB-së.

 

Por pavarësisht thirrjeve të ndërkombëtarëve për konfliktin e armatosur në Libi, Haftari, komandanti i të vetëshpallurës “Ushtria Kombëtare Libiane” që mbështetet edhe nga Rusia e Egjipti, ka bërë të ditur se do të vazhdojë ofensivën kundër qeverisë së njohur ndërkombëtarisht.

 

Megjithatë njësitë e trupave mbështetëse të qeverisë në Tripoli kanë frenuar ofensivën kundër Tripolit. Haftari ndërkohë është zhvendosur në Lindje të Libisë për të siguruar dy portet kryesore libiane të naftës.

Leave a Reply

Your email address will not be published. Required fields are marked *