Protesta marshim e PD-së në qytetin e Shkodrës në të njëjtin orar me takimin elektoral të kryministrit Rama ka degjeneruar në dhunë.
Militantët e PD-së të udhëhequr nga kryebashkiakja Voltana Ademi tentuan të çajnë kordonin e policisë për tju afruar kështu vendit ku ishte programuar takimi i kryeministrit me simpatizantët e PS-së.
Por forcat Speciale kanë përdorur menjëherë gazin lotsjellës duke shpërndarë me shpejtësi turmë e mbështetësve demokratë.
Kaosi ka përfshire brenda pak sekondash rrugicat aty pranë ndërsa disa persona kanë mbetur të lënduyar nga përdorimi i gazit lotsjellës, mes tyre edhe kryebashkiakja Ademi.
Herë pas here militantët e PD-së kanë goditur me gure dhe sende të forta forcat e policisë që nuk kanë kursye përdorimin e gazit lotsjellës.
Ndërkohë protestuesit kanë goditur me gure në një moment edhe një ambulancë që kishte shkuar në vendin e ngjarjes për të marrë tre persona të plagosur.
Tensionet e mëdha e kanë ndarë qytetin në dysh.