Shkodër, zjarri shkrumbon banesën

Një banesë është shkrumbuar nga flakët në orët e vona të së mërkurës në qytetin e Shkodrës. Zjarri ka plagosur rëndë kryefamiljarin, Islam Neziri 64 vjeç. Shkak i rënies së zjarrit dyshohet se është bërë rrjedhja e bombolës se gazit. Flakët janë përhapur në dy dhomat e shtëpisë njëkatëshe, ndërsa brenda banesës ka qenë edhe bashkëshortja si dhe djali i tij, te cilët janë plagosur lehtë. Ata janë dërguar në urgjencën e spitalit të Shkodrës, ku edhe kanë marrë ndihmën e parë, ndërsa i moshuari është dërguar në Tiranë, për shkak se ndodhet në gjendje kritike. Zjarrfikëset dhe policia kanë mundur te shuajnë ne kohe zjarrin qe rrezikonte dhe banesa të tjera pranë saj.