Shkodër, burg për vrasësin e fqinjit

Gjykata e Shkodrës ka dhënë mesditën e së mërkurës masën e sigurisë arrest me burg për Ndok Veçajn, 76-vjeçarin i cili vrau fqinjin e tij Nikë Bungu. Ngjarja ndodhi në fshatin Shtoj i Vjetër, ku i moshuari  qëlloi me çifte fqinjin ne oborrin e shtëpisë, pasi e pandehu për grabitës. Burime të policisë bënë me dije se viktima vuante prej kohesh nga probleme mendore dhe madje kurohej. Në momentin e arrestimit, Ndok Vecaj, ka deklaruar se nuk kishte për qellim t’a vriste ketë person, por vetëm t’a trembte atë.