Shkodër, banoret përplasen me policinë

Policia ka tentuar te nxjerre me force nga shtëpitë, 20 familje qe prej vitesh banojnë ne ndërtesat e ish-gjeologjisë Shkodër. Kjo pas vendimit te përmbarimit, i cili kërkon te ktheje token tek pronari. Mes banorëve dhe policisë ka patur tensione, përplasje verbale dhe fizike. Një 15-vjeçar është shoqëruar në komisariat, pasi ka goditur shefin e policisë së Shkodrës. Banorët pretendojnë se zyrtari i ka provokuar. Ndërkohë një grua është dërguar në spital, pasi ka qenë e sëmurë me zemër dhe ka humbur ndjenjat. Banorët thonë se nuk do të dalin nga shtëpitë e tyre, madje kanë bllokuar me gurë rrugën kryesore, për të penguar përmbarimin.