Specialistët e Seksionit për Hetimin e Krimeve Ekonomike e Financiare në DVP Shkodër kanë arrestuar në Murriqan pronarin e fabirkës të shpallur në kërkim gjatë operacionit “Fermetimi”.
Shtetasi i arrestuar është me inicialet G. B. 61 vjeç, banues në lagjen “Ahmet Haxhija”, Shkodër.
Sipas policisë, ky shtetas, në lagjen “Skënderbeg”, në zonën industriale ish-fermentimi, në punishten e firmës së tij, më datë 16.10.2019 prodhonte produkte të ndryshme ushqimore në kundërshtim me ligjin, edhe pse e kishte të ndaluar që nga data 28.03.2018 prodhimin e artikujve ushqimorë.
Ai akuzohet për veprat penale “Prodhimi i kundërligjshëm i artikujve dhe mallrave industriale dhe ushqimore” dhe “Fshehja e të ardhurave”.