Shkodër, arrestohet drejtori i Tatimeve

Drejtori Rajonal i Tatimeve ne Shkodër Hysen Hysaj, është arrestuar me urdhër të Prokurorisë. Ai akuzohet për veprën penale të “shpërdorimit të detyrës”. Nga hetimet e Prokurorisë, rezulton se Hysaj ka abuzuar me dhënien ne mënyre te paligjshme të TVSH-së. Organi i akuzës sqaron se Hysaj i ka rimbursuar Tatimin e Vlerës se Shtuar me vlere 10 milion leke, një subjekti qe drejtohej nga djali i motrës së tij. Por ky biznes e kishte humbur te drejtën e marrjes se TVSH, pasi nuk kishte shlyer me pare detyrimet doganore për disa blerje nga importi. Po ashtu, administrata Tatimore nuk ka verifikuar kërkesën e subjektit qe mundësoi me tej dhe marrjen e shumes se lekeve te TVSH me ndihmën e drejtorit Hysaj.