Shkodër, arrestohen babë e bir

Dy anëtarë të njëjtës familje, babë e birë janë vënë në pranga nga policia e antidrogës, pasi posedoni drogë dhe armë pa leje. Sipas policisë, janë arrestuar Ardian Tula, 47 vjeç dhe Eldin Tula, 20 vjeç nga fshati Trush i Shkodrës. Arrestimi i tyre u bë pas informacioneve se fshihnin në shtëpinë e tyre drogë dhe armë. Gjatë kontrollit iu gjetën 486.6 gram kanabis sativa, dy silenciator arme zjarri, dhe një serë plastmase ku brenda kishte 187 gota plastike të mbushura me farë kanabisi. Mbi dy të arrestuarit rëndon akuza e prodhimit dhe shitjes së narkotikëve, dhe trafikut të armëve.