Shkodër, aksidentohen dy adoleshentë

Dy 14-vjeçare kanë mbetur të plagosur rëndë në një aksident rrugor në Shkodër pasditen e kësaj te shtune. Ngjarja ka ndodhur rreth orës 16:00 në vendin e quajtur “Hot i Ri”, ku një motor pa targa është përplasur me një mjet tip “Ford”, duke dalë nga rruga. Dy adoleshentet nga Shkodra janë dërguar në spitalin rajonal të qytetit në gjendje të rëndë shëndetësore. Policia ka arrestuar shoferin e automjetit dhe nisur hetimet për zbardhjen e shkaqeve të aksidentit.