Shkëlzen Gashi vijon të shënojë
Shkëlzen Gashi vazhdon te tregoje nje forme te shkëlqyer ne kampionatin amerikan dhe ky është nje lajm shume i mire për trajnerin e kombëtares Xhani De Biasi, ne prag te sfidës me Maqedoninë. Sulmuesi kuqezi ka gjetur me ne fund edhe vazhdimësinë e shënimit te golave me klubin e tij Kolorado Rapids. 28-vjeçari shënoi golin e vetëm te skuadrës së tij në humbjen 2 me 1 në fushën e Real Salt Lake në javën e 27 te konferencës se perëndimit. Gashi luajti 90 minuta te plota si titullar ne rolin e ri tashme si fantazist ne skuadrën e drejtuar nga trajneri Mastroeni. Kaluan vetëm 4 minuta loje ne Rio Tinto Stedium kur Baxhi provoi me te majtën nga distance, topi u devijua nga portieri vendas Beckerman, por Gashi qe ndoqi mire aksionin goditi me te majtën, duke mos i dhënë asnjë shans portierit. Per Gashin ky ishte goli i katërt qe kur iu bashkua Kolorado Rapids dhe i dyti radhazi. Skuadra e Gashit, nuk mundi dot ta mbaje këtë avantazh pasi vendasit shënuan dy here me Movsisian ndërsa nje detaj interesant është se Real Salt Lake humbi edhe dy 11-metersha ne pjesën e dyte. Konferenca e perëndimit kryesohet nga Dallas me 45 pike, 2 me shume sesa Kolorado Rapid dhe Salt Lake.
