Për një orë e 30 minuta, ish-ministri i financave Shkëlqim Cani, dëshmoi këtë të hënë në SPAK për privatizimin e një objekti, konkretisht një furrë buke.
Ai u pyet nga Prokurori i Posaçëm, Elvin Gokaj, por refuzoi të japë më shumë detaje pas daljes nga prokuroria duke u justifikuar me ruajtjen e sekretit hetimor.
SHKËLQIM CANI
ISH-MINSTËR I FINANCAVE
Nuk jam thirrur për atë që kujtoni ju. Kam nënshkruar një deklaratë për të cilën duhet të ruaj sekretin hetimor.
I pyetur nga gazetarët nëse është thirrur edhe për inceneratoret ish ministri tha se është i gatshëm ta bëjë një gjë të tillë sa herë ta kërkojë prokuroria e posaçme.
SHKËLQIM CANI
ISH-MINSTËR I FINANCAVE
Jo. Me gojë s’kam ça përsëris. Pyesni SPAK kur ka ndërmend të më thërrasë dhe a do më thërrasë. Në jetën time kam kaluar kaq shumë, sa që nuk më suprizon asgjë. Jam i gatshëm që të paraqitem për të treguar të vërtetën dhe vetëm të vërtetën. Pres drejtësi. ligj, drejtësi rregull.
Shkëlqim Cani ka drejtuar ministrin e financave në qeverinë Rama, nga viti 2013 deri në 2016-ën.
