Rrugorja e Tiranës ka vënë në pranga 21 shoferë për shkelje të rregullave në qarkullim.
Sipas policisë në kuadër të kontrolleve parandaluese për evidentimin dhe procedimin e shkeljeve që janë burim për aksidente rrugore, janë ndaluar 12 drejtues mjetesh u arrestuan në gjendje të dehur, 8 të papajisur me leje drejtimi, si dhe 1 për falsifikim të dokumenteve zyrtare.
Gjithashtu përveç arrestimeve, janë pezulluar 89 leje drejtimi, nga të cilat 43 për drejtim mjeti nën efektin e alkoolit dhe janë vendosur 45 gjoba.
Nuk kanë munguar 176 procedime për përdorim të celularit gjatë drejtimit të mjetit; 134 për mospërdorimin e kaskës mbrojtëse dhe 14 raste kur drejtues mjetesh, shfrytëzonin mjetet e përdorimit vetjak për transport pasagjerësh.