Shkelin gazin sa shohin policinë/ Kapen tre të rinj që trafikonin emigrantë

Një tjetër rast i trafikimit të emigrantëve të paligjshëm u godit këtë premte nga Policia e Korçës. Gjatë operacionit, uniformat blu vunë në pranga tre të rinj, një prej të cilëve ishte femër.

Fatjona Vuçaj, Dhimitri Beba dhe Abigel Kola po ecnin me makinë kur panë efektivët. Të frikësuar për shkak të klandestinëve që kishin brenda në mjet, ata nuk ju bindën urdhrit për të ndaluar.

Pas ndjekjes, ata u arrestuan. Në dy makinat me të cilat po udhëtonin të rinjtë u gjetën 10 emigrantë. Atyre u ishte premtuar kalimi drejt vendeve të BE.