Asambleja e jashtëzakonshme e Shoqatës së Bashkive të vendit që u zhvillua këtë të martë në Lezhë ka shkarkuar Voltana Ademin nga posti i kryetares së shoqatës.
Në vend të saj është emëruar kryebashkiaku i Lezhës, Pjerin Ndreu.
Vendimi u mor në mbledhjen e sotme, ku nënkryetarë u zgjodhën Alma Hoxha dhe Ilir Xhakolli.
Kujtojmë se Ademi iu ka dërguar një letër ambasadorëve në vendin tonë, përmes së cilës fajëson PS-së se ka tentuar që të kapë shoqatën.
“Më datën 24 maj 2021 përmes letrës dërguar në emër të Shoqatës së Bashkive të Shqipërisë (SHBSH), ndamë me ju shqetësimet tona mbi një iniciativë të kohëve të fundit për të kapur ilegalisht Shoqatën e Bashkive të Shqipërisë (SHBSH), veprime te ndërmarra nga individë, anëtarë të Partisë Socialiste, pa të drejta legjitime dhe jo anëtarë SHBSH” thuhej ndër të tjera në letrën drejtuar ambasadorëve.
