Kryebashkiaku i sapozgjedhur i Selenicës, pas vetëm 10 ditësh nga marrja e detyrës ka firmosur shkarkimin e 66 punonjësve të kësaj bashkie.
Mësohet se kryebashkiaku Pëllumb Binaj ka shkarkuar punonjësit e ndërmarrjes së Shërbimeve Publike, kryesisht ata të Pastrim Gjelbërimit.
Kontaktuar me telefon kryebashkiaku Binaj sqaron se punonjësit e shkarkuar janë pasojë e një urdhri të Kontrollit të Lartë të Shtetit.
Sipas Binajt në janar të ketij viti, raporti i KLSH ka vërejtur së punonjesit me kontratë të pjesshme paguheshin në shifrën e 12 mijë lekëve të rija në muaj.
Çka sipas KLSH është në shkelje me ligjin mbi Kodin e Punës, ndersa ishte lënë afati i zbatimit të urdhrit muaji mars 2019.
Ndaj kryebashkiaku shpreht më tej se ai ka respektuar urdhrin e KLSH.
Pellumb Binaj ka marre detyën në datën 5 gusht.
Vetëm pak ditë më parë kryeministri Rama deklaroi se asnjë punonjës në ish-bashkitë e djathta nuk do të shkarkohet nga puna me përjashtim të atyre që nuk do duan të punojnë.
