Procesi i shkarkimit të presidentit Donald Trump ka shkaktuar një debat të ashpër në politikën amerikane.
Këtë të martë dhoma e Përfaqësuesve e kontrolluar nga demokratët, do të votojë për ta bërë presidentin republikan, liderin e tretë amerikan që do të fajësohet në historinë e vendit.
Komisioni ne te cilin demokratet jane shumice, përballë opozitës republikane të unifikuar, akuzoi Presidentin Trump për abuzim me pushtetin pasi i ka kërkuar Ukrainës të hetojë një prej sfiduesve të tij kryesorë në zgjedhjet presidenciale të vitit 2020, ish nënpresidentin Joe Biden.
JERROLD NADLER
KRYETAR I KOMISIONIT JURIDIK
“Ky president komplotoi, kërkoi ndërhyrje të huaj në zgjedhjet e vitit 2016. Ai po kërkon hapur ndërhyrjen e huaj në zgjedhjet e vitit 2020. Ne nuk mund ta lejojmë këtë të vazhdojë. Ky është një krim kundër Kushtetutës dhe kundër demokracisë amerikane.
Senatori republikan Ted Cruz, një përkrahës i vendosur i Presidentit i cili do të jetë një nga 100 juristët që do të gjykojë çështjen kundër tij në Senat, tha se nuk ekziston asnjë provë për një krim të kryer nga Trump.
Përkrahësit e presidentit, e quajnë fajësimin si një cështje me ndikim partiak duke thënë se demokratët kanë vendosur të kriminalizojnë politikën.
