Hetimet e Prokurorisë së Tiranë kanë çuar pas hekurave 12 persona, të cilët shmangën detyrimet tatimore duke vepruar si grup kriminal. Të arrestuarit, 3 shtetas shqiptarë dhe 9 shtetas italianë, ofronin shërbim në fushën e konsulencës ndërsa prisnin fatura fiktive, për të shmangur detyrimet.
“Faturimi i dyshuar fiktiv i këtyre konsulencave është kryer nga subjekte ‘Persona Fizik’ në subjekte SH.P.K (Shoqëri me Përgjegjësi të Kufizuara), ku më pas këto të fundit (subjekte SH.P.K) këto shërbime i kanë eksportuar (shitur) në shtetin Italian. Duke rritur në mënyrë fiktive shpenzimet, është bërë e mundur barazimi i tyre me të ardhurat dhe në këtë mënyrë vlera e detyrimit të tatim fitimit për tu paguar del më e ulët, duke shmangur kështu detyrimin real që lind nga tatim fitimi”, thuhet në njoftimin e Prokurorisë.
Përmes këtyre subjekteve fiktive, të arrestuarit i shkaktuar një dëm financiar shtetit në vlerën rreth 2 milionë euro.
Dyshohet se në aktivitet janë përfshirë persona e subjekte të tjerë për të cilët Prokuroria po heton.
Ky aktivitet kriminal dyshohet që shtrihet edhe në shtetin Italian, aty ku edhe operojnë përfituesit kryesorë, të cilët janë subjekte që përfitojnë të gjithë vlerën e shërbimeve të dyshuara fiktive të konsulencës, e cila përllogaritet mbi 6 milion Euro.
Të arrestuarit
Bledar Hitaj, lindur në Vlorë dhe banues në Tiranë
Emiljan Duka, lindur në Tiranë dhe banues në Tiranë
Ervin Duka, lindur në Tiranë dhe banues në Tiranë
Për këta shetas u bë e mundur ekzekutimi i vendimit penal Nr.2932 akti, datë 17.12.2023 të Giykatës së Rrethit Gjyqesor të Juridiksionit të Pergjithshëm Tiranë.
Githashtu në kuader të ketij procedimi u bë shpallja në kërkim policor e shtetasve:
Donata Maria Macceli lindur dhe banuese ne Itali.
Tommaso Marseglia, lindur dhe banues në Itali,
Davide Di Donna i datëelindjes 02.10.1984, lindur dhe banues në Itali
Fulvio Piccinali
Roberta Mello Rella
Umberto Masiello, lindur dhe banues në Itali
Guerrino Rosingoli lindur dhe banues në Itali
Stefano Di Domnna lindur dhe banues në Itali
/vizionplus.tv/
