Reshje te dendura shiu përfshinë pasditen e kësaj të mërkure qytetin e Durrësit duke shkaktuar menjëherë përmbytje të shumta.
Për afro 30 minuta, shiu ishte shumë i dendur e per pasojë disa rrugë kryesore të qytetit u mbuluan nga uji.
Kryqezimi tek Stacioni i Trenit dhe disa akse të tjera u bënë të pakalueshme për qytetaret e madje edhe për automjetet.
Ndonëse dy ditë më parë kanalizimet e ujërave të bardha dhe të zeza u pastruan nga ndërmarrja në varësi të ujësjellësit, reshjet e sotme e rikthyen situanë ashtu siç ishte më parë.
Probleme nga moti i keq kishte sot edhe në Vlorë, aty ku per shkak te stuhise detare, u shtyne udhetimet e trageteve drejt Italisë.
Ndërsa në Lezhë, si pasojë e reshjeve intensive pati përmbytje në Lagjen Beslidhja.