Kjo ishte pamja e Durrësit mëngjesin e kësaj të mërkure.
Mjaftuan disa minuta shi që të gjitha rrugët e qytetit bregdetar të mbuloheshin nga uji.
Reshjet shkaktuan vështresi të shumta në qarkullimin e këmbësorëve dhe automjeteve.
Situata më problematike u ishte në zonën pranë stacionit të trenit, në rrugën pranë shëtitores Taulantia, pranë stadiumit Niko Dovana por edhe ne periferi.
Autoritetet vendore u justifikuan si gjithnje me bllokimin e pusetave si dhe rrjetin e amortizuar te sistemit të kanalizimeve.
Përmbytje masive u shënuan edhe në qytetin e Lezhës.
Reshjet e dendura bënë që rrugët e lagjes “Beslidhja” të vërshonte duke e bërë thuajse të pamundur lëvizjen e qytetareve dhe qarkullimin e mjeteve.
Edhe në Lushnje, rrugët kryesore të qytetit u përmbytën, duke bllokuar për disa minuta edhe qarkullimin.
Ndërkohë në ndryshim nga pjesa tjetër e vendit, në Konispol u regjistruan reshje masive breshëri. Si rrjedhojë, u shkatkuan dëme të shumta në pemtari dhe sipas autoriteteve vendore, rreth 30% e prodhimit të agrumeve u shkaterrua.