Policia e Tiranës ka vënë në pranga një 25-vjeçar, i cili akuzohet për shitje të lëndëve narkotike në zona të ndryshme të Tiranës. Blutë kanë sekuestruar 3.5 kg kanabis, të cilat dyshohet se i riu i ka siguruar në Krujë.
Në kuadër të këtij operacioni u bë kapja dhe ndalimi i shtetasit F. B., 25 vjeç, banues në Tiranë.
Gjykata e Tiranës ka caktuar masën e sigurisë “Arrest në burg”, për të riun. Mbi të rëndojnë akuzat për veprën penale “Prodhimi dhe shitja e narkotikëve”.