Policia e Gramshit arrestoi këtë të enjte një 52-vjeçar të dënuar më parë për “Prodhim dhe shitje të lëndëve narkotike”.
Sipas njoftimit të policisë, shtetasi A. D. shiste heroinë në qytetin e Gramshit. Pas hetimit disamujor u arrit të kapet në flagrancë.
Si prova materiale u sekuestruan 82 doza heroinë, 113.700 lekë, dy thika, dy aparate celular dhe një sasi fishekësh për armë gjahu.