Shirat e dendur kanë përfshirë gjatë 24 orëve të fundit edhe Kukësin. Shtabi i emergjencave në Bashkinë Kukës njoftoi për disa rrugë me probleme, për shkak të rënies së dherave e gurëve.
Më konkretisht, rruga nacionale Ura e Drinit të Zi, si edhe segmetni Ura e Lapajve-Fshat-Grykë-Çaj kanë vështirësi në qarkullim.
Autoritetet ndodhen në terren dhe po punojnë për rregullimin e tyre. Sipas bashkisë, po mbahen nën monitorim të gjitha rrugët rurale për të ndërhyrë nëse shfaqen probleme.
