Vajza e çiftit Pandeli dhe Marjola Nakoleci ka folur për herë të parë në mediat greke pas tragjedisë së rëndë që goditi familjen e saj, ku babai vrau brutalisht nënën.
Në një intervistë për televizionin grek MEGA, 18-vjeçarja Anastasia u shpreh se fajtor janë të dy prindërit.
Lexo edhe :
Related Posts
“Të dy janë fajtorë për mua. Na lanë në mes të rrugës, nuk menduan për ne. Mami kishte një lidhje tjetër, babi xhelozoi dhe filloi sherri. Ai njeri na hyri në mes dhe na prishi gjithë familjen,” rrëfeu Anastasia.
Ajo theksoi se, edhe pse babai e donte shumë nënën, nuk kishte asnjë të drejtë t’i merrte jetën.
“Ai e donte shumë mamanë. Për këtë xhelozoi dhe e bëri. Bënin pushime bashkë, shkonin për blerje. Edhe ajo e donte. Por bëri një gabim të madh. Dhe babi nuk kishte të drejtë ta vriste. I thosha: ‘Mos u grindni, dua të rrini bashkë, të shihni fëmijët tuaj’. Nuk e imagjinoja kurrë se do të ndodhte kjo. Vetëm dy ditë pasi u kthyem nga pushimet, ndodhi gjithçka”, tha ajo.
Mes lotësh, 18-vjeçarja tregon momentin kur mori lajmin tragjik.
“Më mori vëllai në telefon dhe më tha: ‘Eja shpejt’. Kur shkova, pashë gjithçka. Më tha: ‘Babi vrau mamin’. Këto fjalë i kam ende të regjistruara në celularin tim”, deklaroi Anastasia.
Pas krimit, autori Pandeli Nakoleci ishte fshehur për disa orë, teksa më vonë kishte telefonuar të bijën Anastasian.
“Më tha: ‘Nuk doja ta bëja, nuk ishte qëllimi im’. Ishte e vetmja herë që më telefonoi. Nuk e di nëse dua ta takoj në burg. Dua, por do të doja të ishte edhe mami aty. Nuk e ka rrahur kurrë mamanë. Nuk e kam parë kurrë të dhunshëm. Ishte xheloz, dhe e kuptoj pse, por kjo nuk justifikon atë që bëri. Gabuan të dy, duhej të ishin ndarë”, rrëfeu 18-vjeçarja.
Mes lotësh, Anastasia tregon boshllëkun që ka lënë humbja e nënës: “Më mungon mami. Qaj çdo ditë. Shikoj fotot dhe nuk e besoj ende. Është shumë e vështirë të jetosh pa mamanë dhe babanë.”
/vizionplus.tv
