Shifra pozitive/ Vijon rënia e numrit të viktimave nga koronavirusi në Spanjë

Spanja ka shënuar 123 viktima nga koronavirusi gjatë 24 orëve të fundit, duke e çuar në total numrin e përgjithshëm të vdekjeve në 26,744.

Ministria e Shëndetësisë raportoi se numri i të infektuarve ka pësuar një rritje, pasi janë konfirmuar pozitiv 373 persona. Në total, deri më tani regjistrohen 227.436 raste të konfirmuara me COVID-19.

Po ashtu, ka arritur në 137.139 numri i të shëruarve tek të sëmurët e diagnostikuar me COVID-19.

Ndërkohë, Spanja ka nisur me lehtësimin e masave kundër koronavirusit, në mënyrë për të zbutur efektet ekonomike dhe sociale.

Janë hapur në mënyrë të kufizuar dyqanet, hotelet, muzetë, libraritë, ambientet për adhurimet fetare si dhe restorantet dhe baret që kanë tarraca.