Numri i viktimave vijon të jetë në rritje pas përshkallëzimit të dhunës në ditën e pestë të luftimeve mes Izraelit dhe Hamasit.
Ushtria izraelite pas vendosjes së trupave dhe tankeve pranë kufirit, përdori artilerinë e rëndë si dhe sulme ajrore . Ndërsa Hamasi në orët e para të mëngjesit lëshoi një tjetër breshëri raketash drejt Izraelit, duke goditur qytetin Ashkelon.
Forcat e Mbrojtjes së Izraelit njoftuan se rreth 160 sulme ajrore goditën një rrjet tunelesh nën qytetin e Gazës. Bombardimet gjatë natës zgjatën gati 40 minuta, ndërsa u lëshuan 450 raketa . Ushtria tha se ishte goditja më e madhe që nga fillimi i luftimeve.
Tensionet kanë përfshirë edhe Bregun Perëndimor, ku kanë shpërthyer luftime të përgjakshme në disa qytete arabo-hebraike.
Presidenti i Shteteve të Bashkuara Joe Biden bëri thirrje për të ndaluar dhunën në Lindjen e Mesme.
JOE BIDEN
PRESIDENT I SHBA
“Një nga gjërat që kam parë deri më tani është se nuk ka pasur një reagim të dukshëm të tepërt nga Izraeli tha .Pyetja është se si ata mund te arrijnë në një pikë Ku mund te reduktohen sulmet, veçanërisht goditjet me raketa.”
Edhe sekretari amerikan i shtetit Antony Blinken përsëriti se sulmet me raketa nga grupet e armatosura palestineze kundër Izraelit duhet të ndalen, ndërsa theksoi se Izraeli ka të drejtë të mbrojë veten.
Por këto deklarata kanë shkaktuar reagimin e përfaqësueseve demokratë në kongres, Rashida Tlaib. Ajo tha se drejtuesit po anashkalojnë vuajtjet e palestinezeve.
RASHIDA TLAIB
KONGRESMENE DEMOKRATE
“Nuk ka pasur asnjë njohje të sulmit ndaj familjeve palestineze që u rrëmbyen nga shtëpitë e tyre tani. Asnjë përmendje e fëmijëve të ndaluar ose të vrarë. Asnjë njohje e një fushate të qëndrueshme ngacmimi dhe terrori nga policia izraelite kundër adhuruesve të gjunjëzuar, duke u lutur dhe festuar ditët më të shenjta në një nga vendet e tyre më të shenjta, pa përmendur që Al Aqsa është i rrethuar nga dhuna, gazi lotsjellës, tymi, ndërsa njerëzit luten”
Ndërkohë, Këshilli i Sigurimit i Kombeve të Bashkuara njoftoi se do të dielën do të mblidhet për të diskutuar situatën.
