Këngëtarja e hitit legjendar “Shi bie në Tiranë”, Fitnete Tuda, zbuloi se për të krijuar këngën është frymëzuar teksa rrugëtonte buzë liqenit në Strugë në një ditë me diell.
E ftuar në “Vizioni I Pasdites”, ajo tha se kjo këngë I ka sjellë gëzim teksa sheh se shoqëron brezat në vijim.
“Në atë kohë unë kam jetuar në Strugë. Refreni ka lindur një ditë të bukur me diell, teksa unë po ecja bregut të liqenit të Ohrit. Unë kam lindur në Strugë dhe jam shumë e lidhur me vendlindjen time. Kënga si motiv ka lindur në Tiranë. Gjatë kohës së festivalit të parë ku unë kam marrë pjesë ka rënë shi, dhe aty ka lindur motivi.”
Tuda shprehu se është mirënjohëse për dashamirësinë e publikut. Sipas saj, në kohën kur mori pjesë për herë të parë në Festivalin e Këngës, ishte një periudhë e vështirë për shqiptarët dhe kënga e saj i dhuroj pak shpresë dhe për pasojë u prit shumë mirë nga publiku.
Fitnete gjithashtu zbuloi se pas 20 vitesh mungesë, do të rikthehet për publikun e gjerë me një album. Sipas saj albumi është gati dhe do ta publikoj në muajt në vijim.
