Shfaqi shqetësime në ambientet e burgut në Fier/ 52-vjeçari humb jetën rrugës për në spital, dyshimet e para

Një 52-vjeçar i cili ka qenë në ambientet e burgut të Fierit ka humbur jetën.

Mësohet se burri ka shfaqur shqetësime dhe komplikacione shëndetësore në mjediset e burgut, ku më pas është nisur për në spital në orët e para të mëngjesit të kësaj të enjte.

52-vjeçari humbi jetën rrugës për në spital dhe dyshohet se shkak për këtë është bërë infrakti.

Shoku i dhomës ka konstatuar problemin shëndetësor dhe ka njoftuar autoritetet të cilat kanë marrë masat për ta dërguar në spital.

52-vjeçari ka mbërritur pa shenja jete në spitalin e Fierit.