Edhe Qarku Dibër nuk i ka shpëtuar prekjes nga gripi i shpendëve.
Mësohet se rastet e para janë shfaqur në fshatin Rrethe Kalë në Njësinë Administrative Muhurr në Bashkinë Dibër.
Deri tani sipas banorëve kanë ngordhur rreth 200 pula në ekonomi të vogëla të këtij fshati. Banorët thonë se ngordhja e pulave ka qenë e mënjehershme.
Për të parë nga afër situatën në fshat kanë mbërritur inspektorët e AKU Dibër por pa dhënë asnjë detaj të vatrës.
