Sheshi “Skënderbej”, mori dje në Barcelonë çmimin Evropian për Hapësirën Publike Urbane 2018, duke triumfuar mes 279 projekteve nga 32 vende në konkurrim. Çmimi u dha nga Qendra e Kulturës Bashkëkohore e Barcelonës dhe gjashtë institucionet evropiane më të rëndësishme të arkitekturës dhe dizajnit në Europë. Anëtarët e kësaj jurie ndërkombëtare kanë dhënë vlerësimet e tyre për sheshin “Skënderbej”.
Hans Ibelings, anëtar i jurisë, tha se sheshi “Skënderbej” ishte një nga kandidaturat më emocionuese të këtij viti.
Edhe Anëtari tjetër Peter Cachola i Muzeut të Arkitekturës në Frankfurt, e vlerësoi sheshin si një projekt mahnitës, tronditës dhe njëkohësisht shumë të guximshëm.
Ndërsa Matevez Celik, i Muzeut të Arkitekturës dhe Dizajnit në Lubjanë, veçoi elementin kombëtar të Sheshit “Skëndërbej”.
Marrjen e çmimit e ka përshëndetur në Facebook edhe kryeministri Rama, i cili postoi videon me fjalët e kritikëve të jurisë.
