Albana Vokshi, në emër të Komisionit të Rithemelimit dënon më forcë përplasjen që u regjistrua sot në selinë blu mes Evi Kokalarit, vetë Vokshit dhe simpatizantëve të PD.
Në reagimin e saj për mediat, ndërsa bën përgjegjës për këtë incident Lulzim Bashën dhe Gazment Bardhin, ajo thekson se është e turpshme që gratë keqpërdoren si mburojë njerezore për ruajtjen e karriges.
Reagimi:
Komisioni i Rithemelimit të PD dënon me forcë aktet e dhunës verbale e fizike ndaj zonjave anëtare të Komisionit për Rithemelimin e PD dhe zonjave Kryetare të degëve dhe anëtare të LDGSH.
PD eshte shtepia e lirise se cdo demokrati.
Është e turpshme të keqpërdoren gratë nga Shoqata Basha – Bardhi, si mburojë njerezore për ruajtjen e karrikes.
Nuk ka logore e mburoje njerezore që ta shpëtojë deputetin Basha nga vullneti i 4446 delegatëve të Kuvendit Kombëtar, kuvendit më spektakolar në historinë e pluralizmit politik në këto 30 vjet.
Vullneti i 4446 anëtareve të Kuvendit Kombëtar që do të konfirmohet me referendumin e 18 dhjetorit, nuk do të mund të transformohet nga orkestra e cakorduar e Shoqatës Basha – Bardhi.
Skenaret me vullnetarët e Lulzim Bashës do të denoncohen para ligjit dhe gjithë shqiptarëve dhe ideatorët dhe ekzekutuesit do të mbajnë përgjegjësi ligjore dhe morale.
Komisioni i Rithemelimit të PD do vijojë punën e tij në ambjentet e selisë së PD, si shtëpia e të gjithë demokratëve.
