Sherri me armë në një lokal në Shijak, arrestohen dy të rinjtë

Policia ka arrestuar autorët e dyshuar, të cilët kanosën me armë zjarri 4 shtetas në ambientet e një lokali në Shijak në datë 13 gusht.

Në pranga përfunduan shtetasit J.Gj., 21 vjeç, dhe  E.B., 22 vjeç, banues në Pjezë, Shijak.

Keta shtetas në një lokal në Gjepalaj pas një konflikti për motive të dobëta me shtetasit E.A., 22 vjeç, A.R., 21 vjeç, V.S., 20 vjeç, J.T., 22 vjeç, banues në Hardhishtë, Shijak i kanë kanosur dhe qëlluar me armë zjarri në ajër.

Gjatë kontrollit të ushtruar në vendin e ngjarjes janë gjetur dhe sekuestruar në cilësinë e provës materiale 2 gëzhoja model 56.