Në fakt kjo do të ishte mbyllja e seancës së Komisionit të Ekonomisë, por pikërisht këtu ka nisur një debat mes deputetëve Agron Shehaj dhe Erjon Braces, debat i cili ka rrezikuar të përfundojë deri në konfrontim fizik.
Teksa në komision ishte e ftuar ministrja e drejtësisë për të folur për buxhetin e vitit 2018, deputeti demokrat ka marrë dy herë fjalën, për ta vënë theksin tek reforma në drejtësi dhe financimi i saj, por për kreun e komisionit kjo çështje ishte jashtë fokusit.
Më pas dy deputetët janë konfliktuar dhe kanë debatuar mes tyre.
Përfaqësues të gardës kanë ndërhyrë për të c’tensionuar situatën e cila kaloi në akuza personale.
Pas kësaj situatë deputetët e opozitës janë larguar nga salla. Gjatë mbledhjeve në komisionin e ekonomisë Brace – Shehaj janë dy protagonistë të cilët në mënyrë të vazhdueshme kanë krijuar momente tensioni gjatë komunikimi mes tyre.
