Një incident i rëndë u shënua mëngjesin e kësaj të mërkurë në Bashkinë e Dibrës, ku rreth 30 persona u futen në zyrat e këtij institucioni, duke goditur me sende të forta disa punonjës.
Si pasoje e plagëve, 4 prej tyre përfunduan në spital. Kryetari i bashkisë Dibër, Muharrem Rama tha pas ngjarjes se personat që u futen në bashki duke dhunuar punonjësit ishin të subjektit PDIU.
Policia e Dibrës mbërriti pranë Bashkisë, bashkë me grupin hetimor për zbardhjen e shkaqeve të vërteta të këtij incidenti. Paraprakisht nuk ka asnjë të shoqëruar në komisariat.