Një konflikt me dy të plagosur ka ndodhur në një familje në Durrës. Pas një sherri mes tyre burrë e grua kanë goditur njëri-tjetrin me thika, për pasojë të dy kanë përfunduar në spital të plagosur.
Ngjarja ka ndodhur rreth orës 17:00, në lagjen 14, ku një 43-vjeçar, dyshohet se pas një konflikti me bashkëshorten e tij, 38-vjeçaren A.L e ka goditur atë në kokë me një mjet prerës, thikë.
Gjatë përplasjes mes çiftit është dëmtuar edhe 43-vjeçari.
Njoftimi:
Rreth orës 17:00, në lagjen 14, shtetasi Xh. L., 43 vjeç, banues në lagjen 14, dyshohet se, pas një konflikti në familje me bashkëshorten e tij, shtetasen A. L., 38 vjeçe, banuese në lagjen 14, e ka plagosur atë në pjesën e kokës me mjet prerës (thikë). Gjatë konfliktit, është dëmtuar edhe shtetasi Xh. L.
Si pasojë, të dy bashkëshortët kanë pësuar dëmtime dhe janë paraqitur në spital për marrjen e ndihmës mjekësore. Aktualisht, të dy janë jashtë rrezikut për jetën.
Grupi hetimor nën drejtimin e Prokurorisë po punon për sqarimin e dinamikës së ngjarjes dhe dokumentimin e plotë ligjor të rastit.
