Sherr fizik mes biznesmenit dhe kandidatit të PD në Elbasan
Një konflikt fizik është shënuar këtë të enjte mes kandidatit për deputet në qarkun e Elbasanit, Luçiano Boçi dhe biznesmenit Gjergj Luca.
Përplasja ka ndodhur në një lokal në fshatin Labinot të Elbasanit, ndërsa vjen vetëm 4 ditë pas përplasjes në “Ditën e Verës” mes militantëve të PS dhe PD.
Luçiano Boçi deklaroi se po dilte nga një takim politik, kur Luca, sipas tij, i është afruar dhe e ka sulmuar me fjalë, ndërsa pretendon se biznesmeni ka tentuar edhe ta godasë.
“Këto janë plerat e Ramës. Agresion me motive politike, të majtët janë në panik, të frikësuar nga humbja. Përdorin mjeke anti-politike, Rama të gjejë një mënyrë tjetër. Po dilja nga një takim miqësor dhe politike për të diskutuar me banorët për problemet e zonës. Në dalje, ky zotëri vjen dhe agreson me fjalë dhe më pas afrohet dhe tenton goditjen dhe pastaj agravon situatën, deri në kërcënime për jetën. Janë kaq shumë në panik; të majtët kaq të frikësuar nga humbja, saqë përdorin mjete të tilla antipolitike. Do t’i këshilloja që Rama plehrat e tij, duhet t’iu gjejë një mënyrë tjetër për të kanalizuar frikën për humbjen e madhe që e pret. Përgjigjen e kanë marrë sot dhe do ta marrin edhe nesër, më 25 prill. Me datën 25 prill i zbresim nga froni i banditëve. Unë kam bërë hapat e parë ligjor për ta denoncuar. Prokuroria duhet të filloj hapat e tjerë”, tha Luca.
