Një protestues ka vdekur dhe dhjetëra janë plagosur pasi protestuan në rrugët e Francës të zemëruar për rritjen e çmimit të karburantit.
Një drejtues mjeti goditi aksidentalisht dhe vrau një protestuese të shtunën, pasi u kap i befasuar kur protestuesit po bllokonin rrugën.
Protestuesit po përpiqen të bllokojnë autostradat, si dhe të pushtojnë depot e karburantit me një lëvizje popullore që e kanë quajtur “xhaketat e verdha”.
Ky reagim vjen pas rritjes së taksave të karburantit nga presidenti Emmanuel Macron.
Ata akuzojnë presidentin Emmanuel Macron për braktisjen e “njerëzve të vegjël”.
Deri tani, sipas ministrit të Brendshëm Castaner gjashtëmbëdhjetë protestues kanë pësuar lëndime të lehta.
Autoritetet presin që në rrugët kombëtare të Francës dalin rreth 50,000 protestues.
Macron nuk ka komentuar deri më tani mbi protestat, disa prej të cilave kanë parë demonstruesit që kërkojnë që ai të japë dorëheqjen.
