Shënohet viktima e 27 në Kosovë/ Humb jetën 63-vjeçarja

Këtë të enjte u shënua viktima e 27 nga koronavirusi në Kosovë.

Klinika Infektive e Qendrës Klinike Universitare të Kosovës njoftoi se një paciente 63-vjeçare humbi jetën.

Ajo ishte nga komuna e Dragashit dhe vuante edhe nga sëmundje kronike të veshkave e nga sëmundje të tjera shoqëruese.

Ndërkohë, në klinikë ndodhet i shtruar edhe një pacient tjetër i cili është në gjendje të rëndë shëndetësore.