Pas një numri rekord zjarresh në verë, Spanja është shndërruar në vendin e ekstremeve pasi përmbytjet e dy ditëve të fundit kanë shkaktuar 5 viktima dhe rreth 3500 persona janë evakuuar.
Lumenjtë dolën nga shtrati ndërsa disa zona të Valencias, Murcias dhe Andalucia-s lindore u përballën me reshjet më të dendura të regjistruara në dekada.
Pamjet tregojnë qartë situatën kaotike që ka shkaktuar vërshimi i ujit. Rrugët janë bllokuar, institucionet kanë pezulluar punën, ndërsa janë mbyllur edhe aeroportet.
Me mijëra oficerë policie, punonjës të zjarrfikëses dhe ushtarë po marrin pjesë në operacionet e shpëtimit, disa me varka e helikopterë.