Pavarësisht nëse jeni të kënaqur me peshën tuaj, duhet të kujdeseni për gjendjen tuaj fizike, pasi është një masë për të mbrojtur shëndetin tuaj dhe për të siguruar funksionalitetin tuaj të përditshëm.
Janë tre shenja kryesore që duhet t’ju motivojnë për të përmirësuar formën tuaj.
Lëndimet e shpeshta
Njerëzit që janë jashtë formës janë jashtëzakonisht të prirur ndaj lëndimeve. Kjo pasi ata nuk e kanë ushtruar mjaftueshëm trupin për t’i “rezistuar” lodhjes dhe për t’u rikuperuar lehtë pas një aktiviteti. Qëndrueshmëria – një parametër kyç i aftësisë së mirë fizike – do të thotë që pjesët e ndryshme të trupit janë më pak të stresuara, prandaj rreziku i rënies dhe lëndimeve është më i ulët.
Lëvizshmëri e reduktuar
Lëvizshmëria e mirë nuk është sinonim i fleksibilitetit, por ka të bëjë me praninë ose mungesën e kufizimeve në gamën e secilës lëvizje. Fleksibiliteti është një “komponent” i lëvizshmërisë, megjithatë nuk është e nevojshme të arrihet ekuilibri dhe funksionaliteti në lëvizje. Lëvizshmëria në qafë, bel dhe ije konsiderohet veçanërisht e rëndësishme.
Vështirësi në frymëmarrje
Është normale të ndiheni të gulçuar nëse ngjitni shkallët shpejt, por një periudhë e pashpjegueshme e gulçimit duhet t’ju motivojë të përmirësoni aftësinë tuaj kardiorespiratore. Përpiquni të përfshini ushtrimet në jetën tuaj duke bërë të paktën 150 minuta ushtrime të moderuara në javë.
