Derbi i kryeqytetit Tirana-Partizani mbetet sfida e vetme që mbush arenën kombëtare dhe ofron emocione ndryshe nga masiviteti i ndeshjeve të superiores, ndonëse niveli teknik edhe i kësaj përballje klasifike të futbollit mbetet ende larg të qënit një reklame e denje për futbollin tonë.
Ndeshja e fundit e luajtur të enjten fituar nga Partizani 2 me 1 e konfirmoi një gjë të tillë. Përpos adrelinës që e shoqëron një sfide të tillë kaq tradicionale, skuadrat në fushën e lojës u dominuan nga egoja për sukses por jo nga cilësia që presim të gjithë vecanërisht kur në fushë janë dy prej skuadrave kryesore në luftën për titull.
Nëse kthehemi tek kronika, duhet theksuar se Partizani I mori tre pikët në ditët e veta më të keqija të sezonit, pa trajner në stol dhe thuajse me gjysmën e lojtarëve titullarë të padisponueshëm.
Ndërsa Tirana është ende e trullosur nga efekti i ndryshimit në stol, me shumë luhatje dhe ne mesin e të gjitha halleve edhe e pafat, sepse në derbi goditi dy herë shtyllen. Për klasifikimin “të kuqte” janë padiskutim të favorizuar sepse kanë një ndeshje ende për të rikuperuar ndaj Teutës ndaj mund të shtojnë avantazhin që kanë ndaj Tiranës dhe mund të parakalojnë edhe rrogozhinazit që kryesojne aq më teper që këto dy rivalë përplasen me njeri tjetrin këtë të hënë.
Tjeter lajm i javës në futbollin shqiptar është padiskutim edhe dorëheqja e trajnerit italian të Dinamos Xhixhi Di Biaxho i cili e lë skuadrën në vendin e fundit me 7 pikë dhe heq dorë edhe nga kontrata dy-vjecare. Decisive humbja e pabesueshme ndaj Teutes, ku dinamovitet ishin në avantazh të dy golave dhe u përmbysen nga tre golat e “djemve të detit”. Sukses shumë I rëndësishëm edhe për Kukësin ndaj Lacit 1 me 0 ndërsa Vllaznia mundi Skenderbeun në Korce 2 me 0 , sfide ku patëm edhe një incident të shemtuar në tribunë, me protagonist negativ prinderin e një futbollisti korcar i cili tentoi te godase drejtuesit e skuadrës se Skenderbeut.
