“Shëndetësia në ditën më të keqe”

Pak minuta pas deklaratave të kryeministrit Edi Rama për rimëkëmbjen e sistemit shëndetësor, ka reaguar kryetari demokrat Lulzim Basha. Në një postim në facebook, Basha shkruan se shëndetësia është në ditën më të keqe, pasi është kthyer në minierën më të madhe të përfitimeve përmes ministrit Ilir Beqja. Për kreun e PD, këto vite ilaçet humbën sigurinë, spitalet u mbushën me militantë, mjekët e talentuar dhe infermierët me përvojë u dhunuan nga një ministër i paaftë, nga një qeveri injorante, e ditur vetëm për të vjedhur. Sipas Bashës, mbi 360 milionë euro që mund të ishin investim historik në shëndetësi u ndanë me klientelën në koncesionet më skandaloze që kanë ndodhur ndonjëherë. Basha akuzon kryeministrin se ajo që ka bërë ne shëndetësi me ministrin Beqja, është krim për të cilin do përgjigjet para njerëzve.