Shirat e vazhdueshëm prej 24 orësh kanë krijuar probleme të mëdha në rrugët e Qarkut Dibër. Rruga e qytezës së Ulzës në disa segmente është me një sens lëvizjeje për shkak të rënies së gurëve.
Gjendja e tillë në këtë rrugë është prej 24 orësh ndërsa firma mirëmbajtëse nuk duket gjëkundi për largimin e gurëve nga aksi rrugor.
Qyteza e Ulzës ka një frekuentim të madh të vizitorëve kryesisht në fundjavë. Por të gjithë ata që i janë drejtuar Ulzës në dy ditët e fundit janë përballur me problemet e rrugës dhe praninë e gurëve të mëdhenj.
