Pasi u shemb ura në Darëzezë të Fierit, policia ka prangosur shoferin e mjetit të tonazhit të rëndë.
52-vjeçari akuzohet nga policia se e kishte ngarkuar kamionin jashtë tonazhit të parashikuar.
Mbi kamion ai kishte ngarkuar edhe një skrep, duke bërë kështu që pesha e mjetit të ishte më e rëndë nga ajo çfarë mund të mbante ura.
Për rrjedhojë, ura u shemb dhe shoferi mori plagë të lehta. Pas kësaj ngjarjeje, është ndërprerë komunikimi midis fshatrave.