Shehu “ironizon” kritikët e Bashës: Janë të nxehur me PD-në…

Në emisionin “Quo Vadis”, Tritan Shehu ironizoi edhe kritikët e Lulzim Bashës, të cilët kërkojnë largimin e kryedemokratit nga drejtimi i Partisë Demokratike.

Ai iu drejtua me një thirrje kolegëve të tij, që të fokusohen tek deformimi i vullnetit të qytetarëve në këto zgjedhje, dhe jo tek lideri demokrat.

“Shumë kolegë duken më shumë të nxehur me PD, sesa me kriminalizimin e zgjedhjeve nga Rama. Ne duhet të përqendrohemi të gjithë te deformimi i zgjedhjeve. Ta denoncojmë këtë. Duhet të fakojmë kriminalizimin e zgjedhjeve që është diçka reale dhe e prekshme. Kam një thirrje për kolegët: impenjohuni për të demaskuar këto zgjedhje.

Sipas tij, kryeministri Edi Rama po përpiqet të fshehë me çdo mënyrë “krimin elektoral”.