Shehi: Vendoset këto dy ditë për federimet dhe mesfushën

Skënderbeu ka zhvilluar pasditen e së martës stërvitjen ‘anti Kastrioti’ ku u duk një theks sulmues në seancën përgatitore.

Këtë nuk e mohoi as trajneri Orges Shehi, i cili pas stërvitjes sqaroi disa nga lëvizjet më të shpejta që priten në kampin korçar.  Sa i përket largimit të Nimagës, ai tha se kjo i takon Presidentit të klubit Ardian Takaj, nëse është i ligjshëm dhe brenda rregullave.

Unë interesohem për atë çfarë ndodh në fushë. Dua të them se brenda këtyre dy-tre ditëve do të vendosim për federimet e lojtarëve që kemi në provë’ tha Shehi.

I pyetur se ku i pret më tepër përforcimet, Shehi nuk ngurroi aspak të përmendë repartin e mesfushës. ‘

Për mua, reparti i mesfushës paraqitet më dobët deri tani dhe duhen patjetër dy përforcime cilësore’ pohoi traineri i Skënderbeut. Ndërsa për ndeshjen e rradhës, atë në trasfertë me Kastriotin, objektivi është i qartë dhe i palëkundur. Skënderbeu do të luajë vetëm për tre pikë.