Kreu i LZHK, Dashamir Shehi deklaroi për edicionin qendror të lajmeve në “Vizion Plus” se e ka mbyllur marrëveshjen me Partinë Demokratike. Ai u shpreh se do të garojë në Tiranë, por sqaroi se nuk ka një pakt të firmosur. Aleati i PD u bëri thirrje edhe partive të tjera që t’i mbyllin sa më parë marrëveshjet sepse opozita është mbrapa.
“Do të garoj në Tiranë. Ne e kemi mbyll, asgjë nuk është firmosur, por është një marrëveshje politike prej kohësh. Është rikonfirmuar në kushtet e ligjit të ri, ky ka qenë ngërçi i opozitës këo ditë, shpresoj që këto ditë të mbyllet edhe me kolegët e tjerë dhe ne të fillojmë punën. Ndoshta disa ditë vonesë i kemi, duhet ta mbyllim tani dhe të merremi me problemet reale politike, programi, tezat kryesore, në cilat pika mund të bindim qytetarët. Unë këto konsideroj të rëndësishme. Edhe njerëzit kanë rëndësinë e tyre. Kemi nevojë edhe për fytytyra të reja, por edhe të pastra. Unë them që qytetarëve në mënyrë relative i intereson kjo se kush është këtu e kush atje”, tha ai për gazetarin Roland Zili.
Dashamir Shehi bëri edhe një ftesë për partitë e reja të dala nga gjiri opozitar që të bëhen të gjithë bashkë kundër Edi Ramës. Ftesa shkoi për Astrit Patozin, Rudina Hajdarin dhe Jozefina Topallin.
“Absolutisht për mua duhen afruar, ne u kemi bërë ftesë dhe do të vazhdojmë t’u bëjmë ftesë., umnë gjykoj që Shqipëria duhet të ketë një hark të madh opozitar, ku të hyjnë jo vetëm partitë, por edhe personalitete që mund ta japin contribute. Unë do t’i ftoja. Duhet patjetër që të jemi konseguentë që ne kemi një armik dhe ky është Edi Rama. Kush është nga ky krah sigurisht që duhet të jetë kundër kësaj qeverisjeje. Kush është në këtë linjë, sigurisht që është një kontribut. Edhe nëse nuk i bashkohet opozitës, bën një funksion opozitar, kontribuojnë”, u shpreh Shehi në studion e lajmeve të “Vizion Plus”.
Tre muaj para zgjedhjeve Basha ka arritur një marrëveshje me Agron Dukën, ndërkohë që pjesa më e vështirë e bisedimeve është ajo me Fatmir Mediun e Shpëtim Idrizin të cilët kërkojnë më shumë se një pozicion në zonën e sigurt të kandidatëve për deputet të PD.
