Agron Shehaj, që është bërë pjesë e garës për të marrë drejtimin e Partisë Demokratike, refuzoi të bënte një koment për shpalljen “non grata” të ish-kryeministrit Sali Berisha nga SHBA.
Në një konferencë për mediat, Shehaj u kujdes vetëm që të vinte në dukje se Berisha ka orientuar Shqipërinë gjithmonë drejt Perëndimit.
“Jemi të gjithë të vetëdijshëm që lideri historik i PD-së ka kontribut të jashtëzakonshëm në orientimin e Shqipërisë drejt Perëndimit. Nuk dua të jap asnjë koment për këtë çështje.”
